Որպես տեղական իշխանություն

Ո՞վ է իրավունակ:

Քաղաքապետերի Դաշնագիրը բաց է բոլոր այն տեղական իշխանությունների առջև, որոնք կազմվել են ժողովրդականորեն ընտրված ներկայացուցիչներով՝ անկախ նրանց չափից և էներգիային և կլիմային վերաբերող քաղաքականությունների իրականացման փուլից:

Ինչպե՞ս միանալ:

Մշտապես աճող նախաձեռնությանը միանալու համար տեղական իշխանությունները պետք է ձեռնարկեն հետևյալ գործընթացը.

• Տեղական ինքնակառավարման մարմնի ավագուն ներկայացնել Քաղաքապետերի Դաշնագրի նախաձեռնությունը:
• Երաշխավորել, որ ավագու կողմից, պաշտոնական բանաձևի տեսքով, Դաշնագրին միանալու պաշտոնական որոշում է ընդունվել:
• Պարտադրել քաղաքապետին կամ քաղաքային խորհրդի համապատասխան ներկայացուցչին՝ ստորագրելու անդամագրման ձևաթուղթը:
• Քաղաքապետերի Դաշնագրի գրասենյակ էլեկտրոնային հաղորդագրություն ուղարկել՝ Հանձնաժողովին տեղեկացնելու նախաձեռնությանը միանալու որոշման մասին:
• Հաջորդ քայլերը գրի առնել, որը շարադրված կլինի հաստատման էլ. նամակում, որն ուղարկվել է քաղաքային խորհրդին:

Ե՞րբ միանալ:

Տեղական իշխանությունները կարող են Քաղաքապետերի Դաշնագրին միանալ ցանկացած ժամանակ, քանի որ վերջնաժամկետ չկա: Քաղաքապետերի Դաշնագրի հանդիսավոր արարողությունները տեղի են ունենում ամեն տարի՝ հրապարակային ստորագրության միջոցով բազմաթիվ քաղաքապետերի մանակցությամբ, ովքեր օգտվում են միջազգային տեսանելիությունից:

Ինչու՞ մասնակցել

Քաղաքապետերի Դաշնագիրն ստորագրող կողմերը շարժմանը միանալու բազմաթիվ պատճառներ ունեն, որոնցից են.

• Իրենց տեղական դերակատարներին շրջակա միջավայրի, սոցիալական և տնտեսապես կայուն միջավայր տրամադրել (էներգիայի մատչելի ծառայություններ, աշխատատեղերի ստեղծում, ավելի առողջ միջավայր և այլն)՝ օգնություն ստանալով իրենց ներդրած ջանքերում:
• Տեղական ինքնակառավարման մարմնում զարգացնել նոր քաղաքական, վարչական և ֆինանսական կարողություններ՝ զբաղվելու տնտեսական, էներգիայի և կլիմայական մարտահրավերներով՝ ի օգուտ քաղաքացիների:
• Իրենց տարածքներում ստեղծել կամ ավելի ակնառու դարձնել դինամիկ ջանքերը՝ ուղղված դեպի կանաչ տնտեսական աճի և կյանքի բարելավված որակի ապահովում:
• Օգուտ քաղել այլ նախաձեռնողների խրախուսող օրինակներից:
• Այլոց հետ կիսել իրենց տարածքում ձեռք բերված փորձը:
• Իրենց տարածքը դարձնել կայուն էներգիայի զարգացման տեղի նախաձեռնող:
• Օգուտ քաղել ինստիտուցիոնալ հավանությունից և աջակցությունից (Եմ-ից, ինչպես նաև Արևելյան Եվրոպայի, Հարավային Կովկասի և Կենտրոնական Ասիայի կառույցներից):
• Նպաստել CO₂-ի համաշխարհային արտանետումների կրճատմանը: